قربت من النهاية

اصبحت في حالة من السكون والصمت وانعدام التركيز

لا اعلم ماذا حل بي الان فأنا ولأول مرة اشعر اني غير واثقة من اختياري

كم تمنيت ان تنطق بها لتخلصني من حيرتي

كل تصرفاتك كانت دليل على اللي مخبيه جوه قلبك
ا
نا عارفة انك من الناس الكتومة جدا ومش بسهولة هتصرح عاللي جواك

بس وبعدين انا اللي اعرفه انه اللي بيحب مش بيفضل صامت

تعرف ان صمتك دا خنقني خلاني افقد الامل فيك

خلاني ضعيفة من جواة

المشكلة اني بتصرف معاك ببرود بس عشان خايفة اللي جوايا يبان ليك 

و
اتكسف قدامك وقدام نفسي

بجد نفسي ف يوم اصحى الاقيك مش موجود ف حياتي

او تجيلي رسالة منك بتقولي عاللي جواك .........

منتظر ولازلت ؟؟؟

                                             الانتظار ................................................................. 




قررت اني اكتب كلمة انتظار واسيب الكلمة تعبر عن نفسها    بس بعدين قولت ليه اشوف الانتظار من جهة واحدة لما فيه اكتر من جهة ليها ؟؟؟؟ 
المهم كلمة انتظار لما بتيجي في ذهن اي واحد فينا ايه اللي بيحسه وقتها ؟؟؟

يمكن الكلمة دي دلوقت بتمثلي القلق .... قلق من النتيجة , قلق من السفر , قلق من الناس اللي هتعامل معاهم 
وبتكون لناس تانية بمعنى امل ....... لما الام تكون في انتظار معاد ولادتها ونفسها تشوف طفلها ويطلع للحياة 
امل ....... لعروسة مستنية يوم فرحها وهي هتبدأ حياة جديدة مع الشخص اللي قلبها اختاره 
امل ........ واحد مستني يوم سفره برا البلد اصل جاتله فرصة عمل ف الخارج 

وبتكون لناس تانية خوف .......... خوف لناس قاعدين فالعيادة مستنين الدكتور يقولهم ايه نتيجة التحليل دا اللي ممكن حياتهم توقف عليه 
خوف ........... لانسان طال بيه الزمن وكبر ف السن وعارف ان له نهاية ونهايته قربت 
خوف ............ للشخص اللي بيبحر للمجهول ومش عارف هيقابل ايه 

ومعاني كتيرة جدااااااا
بس لما بيطول انتظار الانسان لحاجه وهي مش  بتيجي الاحسن انه يفوق بسرعة ويقرر الاقلاع عن انتظاره 
العمر واحد ومينفعش يقضيه ف الانتظار وكمان لما بنستنى كتييييير الحاجة الجميلة اللي كنا بنتمناها بتفقد معناها 

او الواحد بيفقد شغفه بيها وساعات لما بتجيله بيلقاها ببرود متناهي ودي بتكون اكتر حاجة بتوجع وقتها

اول يوم ف رمضان

كل سنة وانتوا طيبين و رمضان كريم عليكم ان شاء الله 


رمضان السنة دي مختلف شوية وليه روح جميلة عن كل سنة الحمدلله البلد اتحررت من شلة الفاسدين و امن الدولة , المساجد هتكون مفتوحة ودروس الدين من غير اي تحكم واللي عاوز يعتكف ف المسجد هيعتكف براحته الشوارع جميلة جدا بزينة رمضان ولما امشي ف الشارع بشوف كل بلكونة معلقين فانوس كبير ومنور ومخلي منظرها جميل اوي  


زي كل اول يوم من رمضان الكريم السفرة بتكون غير بتبقى عمرانة جدا ماشاء الله وانا وماما مدعوكين يا عيني ف المطبخ من الصبح اصلنا بنكون عازمين قرايبنا عندنا اول يوم بس المرة دي مش عارفة ليه مكنتش حاسة بعطش او جوع الحمدلله 


خلصنا بدري وضيوفنا وصلوا وفطرنا الحمدلله واتمنينا من ربنا انه يتقبل صيامنا لليوم دا 
وبعدين روحت المسجد عشان نصلي انا وصاحبتي بس للاسف كان زحمة جدا ومفيش مكان اصلنا روحنا متأخر المرة دي ؟؟؟


وروحنا مسجد تاني بس برضه مفيش مكان قررنا نصلي ف البيت ونبقى نروح بدري بكرة واحنا بنتكلم قدام بابا البيت لقيت بنت خالو رايحة عشان هتصلي مع خالتو واصحابهم ف البيت فروحنا معاهم والحمدلله صلينا العشا والطراويح 


لما رجعت البيت كان فيه حالة جميلة ف بيتنا لقيت فيه هدوء وسكينة ورحمة بجد بيتنا كان تحفة وقتها 
وجت عندنا خالتو وخالو وخالتو كمان واطفالهم فكان البيت جميل وكلنا قاعدين سوا ماما كانت فرحانة جدا وانا كنت سعيدة اكتر منها ان الحمدلله رمضان السنة فيه فرحة غير كل سنة من وقت ما بقينا نقضيه ف مصر 


بس بجد رمضان ف مصر حبيبتي غير اي رمضان ف العالم واسأل المجرب اللي هو انا ^_^ 


قمر الدين وياميش وقران وذكر وقلوب عمرانة ونفوس مطمئنة وصلاة وقيام ليل 


اللهم اجعل ايامنا كلها رمضان 
وارزقنا من الخير كله ف شهرك الكريم 
اللهم اعتق رقابنا من النار 
وارزقنا رضاك علينا 
وبارك لنا فيما اعطيت 
اللهم ارحمنا برحمتك 
اللهم اغفر لنا واعفو عنا انك انت الغفور الرحيم 


                                                 ...........وكل رمضان وانتوا طيبين........... 
              

                                                              .

اه من الفراق

انا اكرهك نعم اكرهك من كل اعماق قلبي ولم ارى في حياتي من بقسوتك انت تعلم كرهي لك بالرغم من ذلك اراك مرافقا لي في رحلة 

حياتي انا لم اخترك يوما ولم احبك يوما هل تعلم لما ؟؟؟
 

لانك دائما تبعدني عن من احب تبقيني في حياتهم ذكرى بعيدة او ضيفة عزيزة ولا شئ اكثر لا اعلم متى ستنفصل عني وتتركني لحالي لا 

اعلم هل سأشتاق لك بعد ذلك ولكن من الغريب ان اشتاق لك فكيف سأشتاق لمن هو السبب في كثير من احزاني ولكن في بعض اللحظات 

اشعر بأنك احد النعم التي انعم الله بها عليا واشعر ايضا ان كل ذلك في صالحي بل في بعض الاحيان احمد الله انك مرافقي لانه لولا مرافقتك 

لي لا اعلم ماذا كنت سأكون جعلتني افتح عيني على عوالم مختلفة علمتني الكثير الكثير واصابتني احيانا بالتشويش ولكن ايها الفراق كن 

رحيما بي اكثر فانا لم تعد بي قوة كالسابق على مجاراتك او كسر شوكتك انا اكرهك ايها الفراق انا اكرهك

-| | - رجعت للصفر من مكان ما بدأت - | | -

هنا بنوتة جميلة زي معنى اسمها تعالوا نعرف حكايتها
الاسم : هنا
العمر :15 سنة


1
2
3
اكشن .................


انا هنا بنت مصرية قضت كل حياتها برة مصر كنت بنزل بلدي في الاجازات بس وكمان شغل بابا مكنش بيسمح اننا نقضي وقت كبير في ام الدنيا مع اهلنا ودا لانه كان مهندس ميكانيكا
كنا بنقضي ليالي الصيف الجميلة في المصيف شوية ومع العيلة شوية والسهر مع بنات خالتو في الجنينة والهوا والايس كريم السائقع والدرة المشوي كل دي حاجات انا كنت بحبها في الصيف في مصر
ومتنسوش الافراح والفساتين والزفة الله كانت ايام جميلة مرة في يوم من ايام الصيف دي كنت بزور خالتو وقعدت سهرت معاهم وكنا بنلعب انا واختي وبنات خالتو في الجنينة واحنا بنلعب لقيت واحد داخل علينا الجنينة مش عارفاه بس كان شكلي عبيط اوي وقتها كنت منعكشة  وكنا بنلعب كهربا عارفينها (تلج ميه يعني ) وانا اللي كنت بجري وراهم ولقيت مفيش صوت خالص وبنت خالتو الكبيرة 
منى: اهلا بالباشمهندس ازيك يا كريم وتنط وفاء اخبارها ايه ؟


هو اتكسف لما لقانا كلنا بنات وكان جاي عشان مامته بعتته في حاجة لخالتو انا بصراحة كان عادي بالنسبة لية لكن وانا ماشية كان
سهران هو واصحابه قدام البيت في عربيته هو واتنين اصحابه ومشغلين بقى عمرو دياااااااااااااااااااااب ياه كان دا ذوقه حلو في الاغاني
بما اني بسمع لعمرو دياب من زمان فلازم يكون ذوقه حلو المهم شافني انا واختي وابن خالتي رايح يوصلنا البيت وقفه وسلمع عليه
وهاتك يا رغي تقولوا مشفهوش بقاله سنين قامت اختي ضربتله كلاكس العربية عشان ينتبه وقالتله  بعد الساعة تلاته بابا مش هيدخلنا
البيت يا عبدالعزيز انتبه كابتن زيزو لينا اخيرا واحنا ماشين شفت اللي اسمه مهندس كريم دا قاعد بيبص علينا بتركيز قولت لاوختي قالتلي قكك


المهم واحنا مروحين اختي رنا بتقول لزيزو انت تكلم بابا وتقوله اتاخرنا ليه ماشي عشان مش يزعق فينا اوك اتفقنا ها عبد العزيز مش


بترد عليا ليه انت سيبني اكلم نفسي
شششششششششششه انا بسوق يارنا


رنا : هو كريم دا صاحبك ؟


عبد العزيز : لا يا بنتي دا جرانا وبعدين هو لسة في تانية هندسة يعني الفرق بينا ييجي عشر سنين


رنا : اللي يشوفكوا كدا يقول انكوا اصحاب جامد


عبدالعزيز : لا يبنتي عادي بس هو اصلا ولد دماغه كبيرة بحس انه مختلف عن باقي العيال التانية تفكيره بيعجبني في بعض الحاجات


وخلصت رنا اختي الكلام عن كريم دا ودخلت في حوار تاني عن محمد ابن عبدالعزيز وازاي هو صغيور وشكله غريب وكل حاجة في صغيرة ومش بيضحكلها خالص مع العلم ان محمد عنده 3 شهور بس اقول ايه على اختي الطفولية دي وانا الطريق كله وانا ساكته بحب اراقب حركة الشجر والهوا والعربية ماشية بسرعة
ومرت ايام الاجازة الجميلة واليوم قبل يوم السفر رحنا سهرنا عند خالتو وقعدنا نغني شوية ونلعب شوية وانا ماشية وبودع بنات خالتو وخالتو وقعدنا نعيط وطلعت وركبت في العربية وبابا عارف طبعا سر الحزن اللي مرسوم على وشي انا ورنا وبابا بيشغل العربية


ندهت سلمى علينا وقالت : استنوا نسيتوا حاجة


دخلت سلمى البيت وجت لما ومنى وقفوا معانا شوية لغاية سلمى تيجي ولقيت كريم كان راجع بالعربية وركن جنب البيت ودخل بيتهم ومبصش علينا زي المرة اللي فاتت طلعت سلمى وفي ايدها كيس هدايا وقالتلي افتحوه في الطيارة بلاش دلوقت وودعناهم انا  و رنا  واحنا ماشين وبنشوف بنات خالتو وهما قاعدين بيتابعونا بعيونهم  شفت حد واقف


في الشباك في البيت اللي جنب بيت خالتي دا كريم هو اللي واقف وبيبص بنفس النظرة اللي مش مفهومة


اه حاسة اني تعبانة اوي دلوقت احنا لسة راجعين من عند خالتو وبعد ساعتين رايحين المطار ................................................


باي يا احلى بلد في الدنيا سلام يا حبيبتي يا مصر يا احن ام واطيب شعب واجمل نيل انا بعشق المنظر من الطيارة باليل وكل مكان في القاهرة منورة بجد من احلى المناظر اللي شفتها في حياتي


بس بدانا نبعد عن مصر والارض بتختفي من تحتنا وطلعنا فوق وسط السحاب انا مش بحب انام في الطيارة وبشغل وقتي بالقراءة


رنا : شوفي يا هنا الهداية بتاعة لما ومنى سلمى جميلة ازاي ؟؟
وشوفي كاتبين ايه ؟؟
احمدك يارب عندنا احلى بنات خالة في الدنيا


انا مكنتش مركزة اوي مع رنا وقعدت اسرح في الكتاب اللي بقرأه


                                                                      يـــــــ تـــــ بـــــــ ــــــع ..>