الجمعة، 20 يوليو 2012

دي حياتنا ولا احنا ضيوف فيها

مش عارفة ليه بدأت احس ان دي مش حياتي انا دي حياة واحدة تانية غيري تماما 

بس هي تشبهني وانا طول الوقت بتفرج عالبنت اللي تشبهني دي بتفرج عليها من 

جوايا بشوف بعيونها وبتكلم بلسانها وباكل بأيديها وبحب بقلبها بس لو جيت انت 

وبصيت من بعيد هتشوفنا واحد بس اوعى تحكم ف يوم عليا عشان دا غلط انا مش انعكاس لنفسي او لذاتي لأ انا انعكاس لحاجات تانية كتيييييير 

من يوم ما اتولدت وماما كانت بتختار لي الفساتين بتاعتي وبابا وماما اختاروا 

مدرستي كمان وهما كمان اختاروا اطلع ايه من قبل ما افهم يعني ايه كلية طب ؟؟ 

واختارولي طبيعة الاكل اللي اكله ومين يكون اصحابي وكل حاجة متحددة تمام حتى الانسان اللي هتجوزه دا اللي انا لسة معرفش اسمه ولا سنه ولا مكانه واللي هو مفروض قدري لازم ماما وبابا يوافقه عليه ف الاول بس بجد مش حاجة غريبة دي اني ملاقيش مكان لننفسي جوه حياتي ؟؟؟؟


بدأت اتخنق شوية بشوية من الدور اللي بمثله ونفسي اتنفس حررررريــــــــــــــــــــــــه بقى :(    



                               

هناك 4 تعليقات:

safa7_karmooz يقول...

طب ما تبتدى تطلعى برا الصندوق اللى انتى قاعدة فيه وكبرتى عليه خلاص وجربى تاخدى قراراتك بنفسك واحده واحده ..

عادى انا كنت زيك كده زمان بردوا وحبة حبة طلعت منه ...رغم انهم مش هيقتنعوا باختياراتك عشان مش هما اللى اختاروها ...بس هى الدنيا كده

:)

ابتدى بس وكفاية فرجة

Reem jalal يقول...

انا فعلا جربت اطلع برا الصندوق ومفيش فايدة بس بجد لازم ابطل فرجة على نفسي من بعيد وانا ساكتة ولازم اغير الوضع دا

safa7_karmooz يقول...

مش هتحققى نتيجة الـ"واو" من اول وتانى وتالت تجربة ...محاولات مستمرة هى لحد ما تطلعى برا خالص :D

Reem jalal يقول...

ان شاء الله وادينا بنحاول